Ёзда “Манчестер Юнайтед”дан “Ювентус”га ўтган франциялик ярим ҳимоячи Поль Погба А Серияни Премьер-лигага қиёслади.
“А Серия ҳар доим энг қийин лигалардан бири бўлган. А Серия ва Премьер-лига ўртасидаги фарқ иқтисодий кучда, аммо футбол нуқтаи-назаридан Италия нима бўлишидан қатъий назар дунёдаги энг яхшиларидан бири бўлиб қолмоқда.
"Ювентус" ва "Манчестер Юнайтед" ўртасида унчалик фарқ йўқ. Топ клуб - барибир топ клуб. "Ювентус" ҳар доим Италияда энг яхшиси бўлган", - деди Погба Италиянинг GQ нашрига берган интервьюсида.
Эслатиб ўтамиз, 2022/2023 йилги мавсумда Поль Погба олган жароҳати туфайли ҳали футбол майдонига тушмаган.