Бунинг ўрнига Ханси Флик жамоаси бир қатор ўртоқлик ўйинлари ўтказади.

Германия терма жамоаси УЕФАдан Евро-2024 саралаш гуруҳларидан бирида ўйнаш учун таклиф олди. Бироқ, Sky Sport нашри хабарига кўра, немислар муваффақиятсизликка учраган тақдирда ҳам, турнир йўлланмаси сақланиб қоладиган бўлса ҳам, бундай таклифдан бош тортган.

Эслатиб ўтамиз, айнан Германия Евро-2024 мусобақасига мезбонлик қилади.

Бу футбол тарихида аввал ҳам содир бўлган. Франция терма жамоаси турнир ташкилотчиси сифатида Евро-2016 саралашида иштирок этганди.

"Биз мезбон сифатида Еврога йўлланма олдик. Бу бизга келаси йилни режалаштиришда кўпроқ мослашувчанликни беради", - дейди миллий терма жамоа директори Оливер Бирхофф.