Мадриднинг “Реал” клуби “Манчестер Сити” ва Португалия терма жамоаси ҳимоячиси Жоау Канселуга қизиқиш билдирмоқда, деб хабар беради AS.
Манбага кўра, испан клуби футболчини келаси ёзда қўлга киритишга умид қилмоқда ва у учун 40-50 миллион евро тўлашга тайёр. Футболчининг ўзи Мадрид лагерига боришни хоҳлайди.
28 ёшли Канселу жорий мавсум “Манчестер Сити” сафида 10 та ўйинда майдонга тушиб, 1 та гол урди ва 3 та голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган.