"Манчестер Юнайтед" ҳимоячиси Рафаэль Варан ҳафта охирида бўлиб ўтиши кутилаётган "Манчестер Сити"га қарши бўлажак дербининг аҳамияти ҳақида фикр билдирди.
“Рақобат асосан мухлислардан келиб чиқади, бу улар учун муҳим ва биз буни ҳурмат қиламиз. Биз уларни хурсанд қилмоқчимиз, шунинг учун ҳам “Сити” ва “Ливерпуль” каби жамоалар билан курашишни ва уларни мағлуб этишни истаймиз. Мухлислар сиздан нимани кутишларини ва улар нимани хоҳлашларини ҳис қилишингиз керак. Бу жуда муҳим", - дея Вараннинг сўзларини келтиради L'Equipe.
Эслатиб ўтамиз, "Манчестер Юнайтед" - "Манчестер Сити" учрашуви 2 октябрь, якшанба куни бўлиб ўтади. Учрашув "Этиҳад" стадионида бўлиб ўтади. Ҳакамнинг старт ҳуштаги Тошкент вақти билан 18:00 да янграйди.
