Дортмунднинг “Боруссия” клуби сардори Марко Ройс “Шальке-04”га қарши дербида жиддий жароҳатдан қутулиб қолди. Бу ҳақда "асаларилар" бош мураббийи Эдин Терзич маълум қилди.
"У кейинги ҳафта машғулотларга қайтиши керак. Яхшиямки, тиззанинг латерал лигаментининг жароҳати биз аввалига қўрққанимиздек жиддий эмас эди", - дея Терзичнинг сўзларини келтиради журналист Альфредо Педулла.
Эслатиб ўтамиз, 17 сентябрь куни бўлиб ўтган "Шальке-04" билан учрашувда Ройс жароҳат олганидан сўнг замбилда майдондан олиб чиқиб кетилганди.