Аргентиналик мутахассис Марсело Бьельса "Атлетик" бош мураббийи вазифасидан кетиши мумкин, дея хабар беради Marca. Агар шундай бўлиб чиқса унинг ўрнини Эрнесто Вальверде эгаллаши мумкин.
Бунинг сабаби кеча бўлиб ўтган матбуот анжуманида Бьелса жамоа базасини таьмирлаш ишларини тугаллай олмаган қурилиш компаниясини кескин танқид танқид қилгани бўлиши мумкин.
- Улар ўз ишларини жуда ёмон бажардилар ва буни ўзлари биладилар. Бу мени мураббий сифатида асабийлаштирмоқда. Менда таътил бўлмади, бу машғулот базаси ишларига уч ҳафта вақтим кетди. Бу ерда эса ҳеч нарса тайёр эмас. Мен машғулот ўтказадиган жойимизга маъсулман.
Ҳамма ишлар 2 июлда охирига етиши керак эди, ҳозир эса ишнинг ярми бажарилган, холос. Бизни ўғирлашгандай таассурот уйғоняпти. Бизнинг 300 миллион турадиган таркибимиз шундай аҳволда шуғулланиши керакми? - дейди Бьелса.
Шундан сўнг "Атлетик" клуби махсус релиз чиқарди ва унда ушбу сўзлар клубнинг эмас, Бьелсанинг шахсий фикри эканлиги таъкидланган.Бундан ташқари қурилиш фирмаси ишчиларидан узр сўралиб, ишларга фақат клубнинггина баҳо бериши мумкин эканлиги айтилган.
Қўшимча қиламиз, Бьелса "Атлетик" билан шартномасини июннинг бошида узайтирган бўлиб, ўтган мавсумда жамоани Испания чемпионатида 10-ўринни эгаллаган, Европа лигаси ва Испания кубоги финалига олиб чиққан эди.
