"Арсенал" ҳужумчиси Габриэль Жезус нима учун "Манчестер Сити"ни тарк этгани ҳақида гапирди. У шундай дейди:
"Бу нарса Гвардиоланинг футбол борасидаги қарашлари сабаб рўй берди. Мураббий сизнинг олдингизга ўз талабларини қўяди. Сиз буни қабул қиласиз ёки йўқ. Агар йўқ бўлса, унда бошқа жамоа излашингиз керак. Мен ҳам шундай қилдим.
"Арсенал"да ҳаммаси бошқача. "Манчестер Сити"да ҳужумчилар унчалик кўп тўп билан муомала қилавермайди. Буни икки жамоа ўйинини солиштириб ҳам билиб олишингиз мумкин. Нима бўлган тақдирда ҳам Гвардиолага менга берган билимлари учун яна бир бор раҳмат дейман".
Жезус ёзда 45 миллион фунт эвазига Лондонга кўчиб ўтган эди.
