"Лейпциг" ҳужумчиси Кристофер Нкунку ҳали "Челси"га ўтишга рози бўлмади. Франциялик футболчи тиббий кўрикдан ўтгани айтилган бўлса-да, клуб билан ҳозирча ҳеч нарса келишиб олинмаган.
Журналист Фабрицио Романонинг сўзларига кўра, "Челси" Нкункуга узоқ муддатли шартнома жўнатган, бироқ футболчи ҳали трансферга рози бўлмаган.
Шунингдек, "Челси" "Лейпциг" билан трансфер суммасини келишиб олиши керак. Франциялик футболчининг товон пули 2023 йилнинг ёзида 60 миллион еврога тенг бўлади. “Кўклар” келаси ёзда рақобатдан қочиш учун кўпроқ пул тўлаши мумкин.
