"Leypsig" hujumchisi Kristofer Nkunku hali "Chelsi"ga o‘tishga rozi bo‘lmadi. Fransiyalik futbolchi tibbiy ko‘rikdan o‘tgani aytilgan bo‘lsa-da, klub bilan hozircha hech narsa kelishib olinmagan.
Jurnalist Fabrisio Romanoning so‘zlariga ko‘ra, "Chelsi" Nkunkuga uzoq muddatli shartnoma jo‘natgan, biroq futbolchi hali transferga rozi bo‘lmagan.
Shuningdek, "Chelsi" "Leypsig" bilan transfer summasini kelishib olishi kerak. Fransiyalik futbolchining tovon puli 2023 yilning yozida 60 million yevroga teng bo‘ladi. “Ko‘klar” kelasi yozda raqobatdan qochish uchun ko‘proq pul to‘lashi mumkin.
