“Барселона” бош мураббийи терма жамоаларнинг ўйинларини битта халқаро танаффусда ўтказишни таклиф қилди.

Каталон жамоасининг футболчилари Рональд Араухо, Жюль Кунде, Френки де Йонг ва Мемфис Депай терма жамоалар жойлашган жойда олган жароҳатлари сабаб Ла Лиганинг 7-турида "Мальорка"га қарши ўйинда майдонга тушмайди.

- Терма жамоаларда футболчиларнинг жароҳатланишини қандай олдини олиш мумкин?

- Бу қийин. ФИФАда ҳар икки йилда бир марта жаҳон чемпионати ўтказиш режаси бор – бу баҳсли масала.

Аммо тақвимнинг шундай варианти ҳам борки, унда терма жамоалар йиғилиб, бир ярим ой ўйнайди. Шундан сўнг клублар футболчиларни мавсум охиригача ўзида сақлайди.

Ўйлайманки, бу яхши қарор бўларди, лекин бу менга боғлиқ эмас", - деди Хави.