"Аталанта" ярим ҳимоячиси Руслан Малиновский "Рома"га ўтиши мумкин.
Calciomercato хабарига кўра, трансфер келаси ёзда амалга ошиши мумкин. Футболчининг шартномаси мавсум охиригача амал қилади. Катта эҳтимол билан у украиналик ва бош мураббий Жан Пьеро Гасперини ўртасидаги можаро туфайли давом эттирилмайди.
Малиновский “Аталанта”да йилига 1 миллион евро маош олади. “Рома”да агар у эркин агент сифатида борса, икки баробар кўп маош олишни хоҳлайди. Унинг рафиқаси Роксана Италияда қолмоқчи, футболчининг ўзи эса Жозе Моуриньо билан ишлашдан манфаатдор.
Ҳозирча расмий таклиф бўлгани йўқ, аммо “Рома” бу имкониятни кўриб чиқмоқда. Аввалроқ футболчига "Тоттенхэм", "Вест Хэм", "Наполи" ва "Марсель" клублари қизиқиш билдираётганди, "Аталанта" Руслан учун 40 миллион евро талаб қилганди.
