Испаниянинг "Севилья" клуби бош мураббийи Хулен Лопетеги Ла Лиганинг 7-тури доирасида "Атлетико"га қарши ўйин олдидан Мадрид клубининг жорий мавсумдаги имкониятлари ҳақида гапирди.
“Жамоамиз “Атлетико”дек йирик рақибга қарши тўқнаш келганидан хурсанд. Бу таркиб билан улар Чемпионлар лигасида ғалаба қозонишлари мумкин.
"Атлетико" турлича ўйнаши мумкин, уч ёки тўртта ҳимоячи билан. Улар ҳар бир ўйинга ўз тактикасини мослаштириб беришади. Уларда техник ва жисмонан ривожланган футболчилар бор", - деди Лопетеги матбуот анжуманида.
"Севилья" - "Атлетико" учрашуви 1 октябрь куни бўлиб ўтади.
