"Реал" ҳужумчиси Родриго жароҳатидан фориғ бўлди ва "Осасуна"га қарши Ла Лиганинг 7-тур учрашувида асосий таркибда майдонга тушиш учун ажойиб жисмоний ҳолатда, дея хабар бермоқда Diario AS.
Аввалроқ бразилиялик ҳужумчининг "Осасуна" билан ўйинда иштирок этиши сўроқ остида эди. Ҳужумчи терма жамоалардаги халқаро танаффус вақтида енгил жароҳат олганди.
Жорий мавсумда Родриго Испания чемпионатининг тўртта ўйинида майдонга тушиб, 3та гол урди ва 2та голли узатмани амалга оширди.