"Арсенал"нинг бразилиялик ҳужумчиси Габриэль Жезус 16 ёшли ҳамюрти Эндрикнинг ўйини ҳақида ўз фикрларини билдириб ўтди.

“Мен Эндрикнинг ўйинини кузатяпман. Жароҳатимдан тузалиб, академиядаги машғулотларга қайтганимда, Зе Роберто бизни бир-биримиз билан таништирди. Майдонда у шунчаки юлдуз! Феномен! Мен унга ҳақиқатан ҳам ишонаман. Менимча, "Палмейрас" уни машғулотларга ва ўйинларга олиб боришда тўғри иш қиляпти", - дея Жезуснинг сўзларидан иқтибос келтиради Goal.com.

Ёш футболчига "Реал", "Барселона", "Манчестер Сити", "Манчестер Юнайтед", "Ливерпул", "Челси", "Бавария", "ПСЖ" ва бошқа Европанинг топ клублари қизиқиш билдирмоқда.