Сўнгги вақтларда "Манчестер Юнайтед" клуби ярим ҳимоячиси Луиш Нанининг клубдан кетиши ҳақида фикрлар билдирилаётган эди. Нанининг айтишича, унинг агенти ҳозирда клуб билан янги шартнома бўйича музокаралар олиб бораётган экан.
"Кўрамиз келажакда нималар бўлади. Мен "Манчестер Юнайтед"да ўзимни бахтли ҳис қилмоқдаман ва клубда ўтказган беш йил давомида барча совринларни қўлга киритдим" дедйи Times of India нашрига берган интервьюсида.
"Мураббийнинг менга ишончи катта ва бу жуда муҳим. Менинг агентим ҳозирда музокара олиб бормоқда. Кўрамиз музокаралар қандай якун топаркан."
Шунингдек, Нани "МЮ"нинг чемпионликни сўнгги дақиқаларда "шаҳарликлар"га қўлдан бой берганлиги ҳақида ҳам ўз фикрларини билдириб ўтди.
"Бу футбол ва унда йўқотишлар ҳам сиз билан ёнма-ён бўлади. Футбол ҳам ҳаётга ўхшайди ва уна ҳам баъзида катта йўқотишлардан азият чекасиз. Бироқ сиз уларни енгиб ўтишга ҳаракат қилишингиз лозим."
"Сўнгги дақиқаларда чемпионликни бой берганимиз алам қилдию Бироқ ўша куни "Сити"га омад кулиб боқди. Умид қилманки, кейинги мавсум бизга аталади ва шундай бўлиши учун ҳаракат қиламиз."
