Германиялик ҳужумчи Кай Хавертц жорий мавсум якунида Лондоннинг “Челси” клубини тарк этиши мумкин. Бу ҳақда Goal.com портали хабар бермоқда.
Манбага кўра, инглиз гранди раҳбарияти 23 ёшли ҳужумчи голсиз футбол намойиш этишда давом этса, унинг трансфер вариантларини кўриб чиқишга тайёр.
Эслатиб ўтамиз, Кайни "Челси" "Байер"дан 80 миллион еврога сотиб олганди. Ҳаверц жорий мавсум Англия Премьер-лигасида 8 та ўйинда майдонга тушиб, битта гол урди.
Ҳужумчининг “пенсионерлар” билан амалдаги шартномаси 2025 йилнинг ёзига қадар тузилган.