"Ювентус" бош мураббийи Массимилиано Аллегри "Болонья" билан бўлажак ўйин ҳақида гапирди.
"Болонья"га қарши ўйинда биз ёмон ойдан кейин янги мавсумни бошлашимиз ва ўз йўлимизга қайтишимиз керак. Таркибга қайтган футболчиларда барчаси яхши.
Мен таркибни ва муҳим ўйинчиларни энг яхши тарзда бошқаришим керак, чунки энди бизни қисқа вақт ичида кўплаб ўйинлар кутиб турибди. Аммо келинг, "Болонья" ҳақида ўйлаб кўрайлик. Ушбу икки ҳафта давомида биз муаммоларни тушуниш ва ечим топиш мақсадида муҳокама қилдик.
Муҳим ўйинчилар тузалиб кетишди, Алекс Сандро эртага, Рабьо, Локателли, Куадрадо ва Миликлар дисквалификациядан сўнг қайтишади. Фақат Погба, Кьеза ва Ди Мария дисквалификация туфайли майдонга туша олмайди.
Биз "Ювентус"ни иш ва иштиёқ билан йўлга қайтаришга ҳаракат қилмоқдамиз ва умид қиламизки, буни имкон қадар тезроқ уддалаймиз. Чемпионатда ҳам, Чемпионлар лигасида ҳам ҳаммасини тузатишга вақтимиз бор”, - деди “Юве” бош мураббийи.
“Ювентус” – “Болонья” учрашуви эртага, 2 октябрь куни бўлиб ўтади.