Испания терма жамоаси ҳамда "Барселона" футбол клуби ярим ҳимоячиси Андрес Иниестанинг ЕВРОдаги иштироки ва ушбу мусобақанинг энг яхши футболчиси деб топилганидан сўнг, унинг номзоди ҳам "Олтин тўп"га даъвогарлар қаторида қайд этила бошланди. Футболчи клуб расмий сайтига берган интервьюсида эса, ҳеч қандай шахсий совринлар учун курашмаслигини ва мухлислар учун яхши футбол намойиш этиш асосий мақсади эканлигини таъкидлаб ўтди. 

“Бу шундай саволки, унга жавоб бера олмайсиз. Менинг футбол ўйнаўдан мақсадим, мухлисларнинг спортдан роҳатланишига ёрдам бериш, холос."

“Мен "Олтин тўп"ни қўлга киритиш учун Месси билан мусобақалашаётганим йўқ, шунингдек, Хави, Касиляс ва Роналду билан ҳам. Мен овоз бераётганим йўқ. Мессининг 82 голи билан мусобақалашиш ҳақида ҳам гап бораётгани йўқ. Мен Европа чемпионатининг энг яхши футболчиси сифатида эътироф этилдим. Буюклар ичида бўлиш мен учун фахр."

“Мен ҳар доим ғалаба қозонишга ва нимагадир эришишга имкон борича ҳаракат қилганман, бироқ бу мен учун қўшимча восита холос. Ушбу совринни мен назорат қилмайман, келинг, қарорни бошқалар қабул қилишсин. Бу мавзуда гаплашиш вақтни беҳуда сарфлаш деган гап. Бугундан то январгача ҳар хил фикрлар билдирилади. Энг муҳими эса мен ўз мухлисларим ва барча ишқибозларнинг футболдан роҳатланишлари учун ўйин кўрсатишда давом этаман."