“Интер” ҳужумчиси Ромелу Лукаку бўлажак ўйинларда иштирок эта олмайди.

"Мен Лукакунинг "Сассуоло"га қарши ўйинда иштирок этишига пессимистик қарайман. У қаттиқ ишлаяпти, бироқ янги текширувдан сўнг у ҳали жамоанинг қолган қисми билан ишлаш имкониятига эга эмаслиги маълум бўлди", - деди "нерадзуррилар" бош мураббийи Симоне Индзаги.

Бельгиялик футболчи август ойи охиридаги машғулотларда жароҳат олганди. У 28 сентябрдан умумий гуруҳда ишлаши кутилганди.

Яқин икки ҳафта ичида "Интер" "Барселона" (икки марта), "Сассуоло" ва "Салернитана" билан ўйнайди.