"Ливерпуль" бош мураббийи Юрген Клопп "Брайтон"га қарши ўйинда шогирдларининг ўйинидан жуда норози эди. Учрашув 3:3 ҳисобида дуранг билан якунланди.
“Якуний натижа мағлубиятга ўхшайди. Йигитларим анча яхши ўйнашга қодир. "Брайтон"нинг ҳужумкор ўйинчилари майдон бўйлаб бемалол ҳаракат қилишларини кўриш даҳшатли эди. Биз ўтказиб юборилган кўп голлардан қочиш учун анча яхши ҳимояланишимиз керак эди", - дея германиялик мураббийнинг сўзларини келтиради Telegraph.
Етти турдан кейин ўн очко жамғарган мерсисайдликлар АПЛ турнир жадвалида 9-ўринда бормоқда.
