Испания Ла лигаси президенти Хавьер Тебас Европа Суперлигасининг бошланиши мумкинлиги ҳақида гапирди.
“Флорентино Перес футбол тарихидаги энг яхши президентлардан бири. Бироқ, буюк клуб президенти бўлиш лигада муваффақиятли етакчи бўлиш билан бир хил эмас. Перес яхши тушунмаган нарсани таклиф қилади. Бу барча жамоаларни, шу жумладан "Реал Мадрид"ни ҳам ўлдириши мумкин", деб ёзади Тебас ижтимоий тармоқларда.
Эслатиб ўтамиз, 2021 йилнинг баҳорида 12 та топ-клуб Европа Суперлигаси ташкил этилишини эълон қилган эди. Бироқ орадан икки кун ўтиб, аксарият жамоалар турнирни тарк этишди ва лойиҳа музлатиб қўйилди.
