Англия Премьер-лигаси 9-тур учрашувида Лондоннинг “Вест Хэм” жамоаси “Вулверхэмптон” дарвозасига жавобсиз иккита гол уриб, мавсумдаги иккинчи ғалабасини қўлга киритди. Улардан биринчисини италиялик Жанлука Скамакка, иккинчисини эса жамоанинг яна бир ҳужумчиси Жаррод Боуен киритди. У муваффақият ҳақида фикр билдирди.
"Айнан шу нарса бизга керак эди. Мавсум бошланиши омадсиз бўлди. Аммо пауза бизга кучлар ва ўйин услубини тўплаш имконини берди. Биз янада хавфли бўлиб қолдик. Мавсумдаги илк голимни урдим, худди елкамдан тоғ қулагандек бўлди. Булар энг муҳим уч очко", дея Боуэндан иқтибос келтиради Sky Sport.
