"Челси" бош мураббийи Грэм Поттер ҳимоячи Тиаго Силва "Кристал Пэлас"га қарши ўйинда осонлик билан қизил карточка олиши мумкинлигини тан олди.
Шанба куни "Selhurst Parkd"да бўлиб ўтган Премьер-лига ўйинида Пьер-Эмерик Обамеянгга голли узатма беришдан бироз олдин, Силва атайлаб рақибнинг ҳужумини қўллари билан тўхтатиб қолди.
2:1 ҳисобидаги ғалабадан сўнг Поттер воқеага изоҳ бериб, бош ҳакам Крис Кавана бразилиялик фахрийга раҳми келганини тан олди.
"Менимча, бу ўйин қоидаси бузилиши эди. Уни дарвозадан анча узоқда содир бўлгани қутқарди, аммо қарор бошқача бўлиши мумкин эди. Бу мунозарали вазият ва мен Патрикнинг (Виейра) ҳафсаласи пир бўлганини тушунаман" - деди Поттер BBC билан суҳбатда.
