Мадриднинг “Реал” клуби бош мураббийи Карло Анчелотти ҳужумчи Карим Бензема ҳақида фикр билдирди.
“Қаймоқранглилар” мавсумда илк бор Ла Лига доирасида “Осасуна”га (1:1) қарши кечган уй учрашувида хатога йўл қўйиб, ғалаба қозона олмади. 79-дақиқада Карим Бензема пеналтидан фойдалана олмади.
"Бугун Бензема ўз вазифасини бажарди ва яхши ўйин кўрсатди, аммо пеналтидан гол уриш имкониятини бой берди. Бу тасодиф, баъзида шундай бўлади. Бензема бизнинг тўлиқ вақтдаги пеналти тепувчимиз ва буни ўзгартириш ниятимиз йўқ", - деди италиялик мутахассис ўйиндан кейин берган интервюсида.
Испания чемпионатининг етти туридан сўнг, “Реал Мадрид” турнир жадвалида “Барселона” билан биринчи поғонани бўлишиб турибди. Ҳар икки клуб 19 очкодан жамғарган.
