Ниҳоят Андрес Иньеста ҳам бўйдоқлик билан видолашди. У ҳам уйланганлар клубига трансфер бўлди.
Испания терма жамоаси ва "Барселона" клубининг энг номдор вакилларидан бири Андрес Иньеста узоқ йиллик севгилиси бўлмиш Анна Ортис билан турмуш қурди.
Дабдабали тўй маросими Барселона шаҳрининг денгиз соҳилида жойлашган Тамарит деган жойдаги муҳташам ресторанлардан бирида бўлиб ўтди. Футболчининг тўйига "Барселона" клуби вакилларидан ташқари Самуэль Это'О, Икер Касильяс каби машҳур футболчилар ҳам ташриф буюришди. Келин-куёвни ва меҳмонларни кўришга шу қадар кўп меҳмон келишдики, ресторан атрофида қатнов умуман тўхтади. Бунақа манзара ҳатто Пикени ҳам ҳайратга солди. У Твиттерда бу манзарани шундай изоҳлади: "Одам шу қадар кўп эдики, худди Тур де Франс бўлаётгандек эди". Ҳа, бу манзара балки Пикенинг ўзига ҳам илҳом бериб, у ҳам Шакира билан тўйни тезлаштирар.