"Манчестер Сити" жамоа ҳимоячиси Йошко Гвардиол АПЛнинг 20-туридан ўрин олган "Челси"га (1:1) қарши ўйинда ўнг оёғининг катта болдир суяги синганини маълум қилди.
Футболчи ўйинни асосий таркибда бошлади ва учрашувнинг 51-дақиқасида жароҳат олиб майдонни тарк этди.
23 ёшли хорватияликнинг тикланиш муддати маълум қилинмаган. Ўйинчи жарроҳлик амалиётини бошдан кечириши керак, ундан кейин тикланиш 3 ойдан 6 ойгача давом этиши мумкин.
Гвардиол 2023 йилнинг августидан буён "Манчестер Сити" шарафини ҳимоя қилиб келмоқда. 2025/26 йилги мавсумда ҳимоячи барча мусобақаларда 23 та ўйинда майдонга тушиб, 2 та гол урди ва 5 та голли узатмани амалга оширди.
