Тошкентнинг "Пахтакор" клуби ярим ҳимоячиси Азизбек Турғунбоев фаолиятини Водийда давом эттириши кутилмоқда.
TopPodcast телеграм-канали хабарига кўра, 31 ёшли футболчи "Андижон"га ўтишга яқин турибди. Андижонликлар ушбу трансферни якунлаш арафасида.
Турғунбоев 2025 йил ёзида "Сивасспор"дан "шерлар" сафига эркин агент сифатида қайтган эди. Transfermarkt порталида 600 минг еврога баҳоланаётган футболчининг амалдаги шартномаси 2026 йил якунига қадар мўлжалланган.













