Il Bianconero хабарига кўра, "Челси" ва "Арсенал" "Ювентус"нинг сербиялик ҳужумчиси Душан Влаховичга қизиқиш билдирмоқда.
Манбанинг хабарига кўра, инглиз клублари қишки трансфер ойнасида футболчини сотиб олиш имкониятини кўриб чиқмоқда. Шу билан бирга, туринликлар форвард билан хайрлашмоқчи эмас, шунинг учун уни фақат катта миқдордаги суммага сотиб олиш мумкин бўлади.
22 ёшли Влахович жорий мавсумда “Ювентус” сафида 9 та ўйинда майдонга тушиб, 5 та гол урди ва битта голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.