Ўзбекистон Кубогининг чорак финалидан ўрин олган "Бунёдкор" ва "Машъал" жамоалари учрашувида мезбонлар йирик ҳисобда ғалаба қозонди.

Учрашувнинг 18-дақиқасига келиб, ўнг қанотдан Акмал Шораҳмедов томонидан етказиб берилган тўпни Лутфулла Тўраев боши билан дарвоза тўрига йўллади. Ҳисоб очилди - 1:0.

34-дақиқага келиб фарқ иккитага ошди. 2:0. Майдон марказидан узатилган пас Лутфулла Тўраевга етиб келди. Санжар Қувватов билан яккама-якка ҳолатда қолган Лутфулла тўпни посбон устидан осонлик билан дарвозага йўллади.

Ўйиннинг 67-дақиқасида мезбонлар қарши ҳужумда Мельзиддинов тўпни қулай вазиятда турган Шавкат Саломовга оширди. Бирга-бир ҳолатда Шавкат кучли зарба билан ҳисобни 3:0га етказди.

Бу ҳисоб ўйин сўнггигача сақланиб қолди.

БУНЁДКОР – МАШЪАЛ 3:0 (2:0)
Голлар: Лутфулла Тўраев (18, 34), Шавкат Саломов (67).

«Бунёдкор»: 1. Игнатий Нестеров, 2. Акмал Шораҳмедов, 4. Хайрулла Каримов, 6. Анвар Ғофуров, 8. Жавлон Иброҳимов (27. Алибобо Рахматуллаев, 70), 13. Лутфулла Тўраев, 16. Артём Филипосян, 17. Камолиддин Мурзоев (24. Баҳодир Пардаев, 83), 22. Виктор Карпенко (10. Шавкат Саломов, 59), 28. Руслан Мельзиддинов, 33. Ян Козак.
«Машъал»: 1. Санжар Қувватов, 3. Дилявер Ваниев, 5. Шаҳзод Шаймонов, 6. Элдор Эргашев (10. Ихтиёр Тошпўлатов, 75), 7. Жаҳонгир Абдумўминов, 15. Габит Сапаргалиев (21. Ғуломҳайдар Ғуломов, 70), 17. Шуҳрат Муҳаммадиев, 18. Аббос Шодмонов, 20. Шерзод Файзиев, 24. Темур Дадашев (19. Бобур Давлатов, 57), 26. Сардор Раҳмонов.

Огоҳлантиришлар: Жавлон Иброҳимов (30), Хайрулла Каримов (39) - Габит Сапаргалиев (42),   Жаҳонгир Абдумўминов  (74).
Амалга оширилмаган пенальти: Элдор Эргашев 40 (дарвозабон).

Ҳакамлар: М. Муҳамедов (Тошкент вилояти), А. Снетков (Тошкент вилояти), Х. Мирзааҳмедов (Тошкент вилояти), Ш. Қосимов (Тошкент).