“Милан” ҳужумчиси Оливье Жиру 2022 йилда Қатарда бўлиб ўтадиган жаҳон чемпионатида Франция терма жамоаси сафида иштирок этиш имкониятларини баҳолади.
“100% ишонч ҳосил қила олмайман. Мен кўрсатишим керак бўлган нарсани кўрсатдим. Мен у ерга бориш учун қўлимдан келганини қиламан. Ҳозир бор этиборимни "Милан"га қаратганман", - дея Жиру сўзларини келтирмоқда L'Equipe.
36 ёшли франциялик футболчи 2011 йилнинг ноябрида терма жамоадаги дебютини ўтказган эди. Форвард терма жамоа сафида 114 та ўйин ўтказиб, 49 та гол урган.
Қатардаги жаҳон чемпионати 2022 йилнинг 20 ноябридан 18 декабрига қадар бўлиб ўтади. Франция D гуруҳида Дания, Австралия ва Тунис билан ўйнайди.