“Milan” hujumchisi Olivye Jiru 2022 yilda Qatarda bo‘lib o‘tadigan jahon chempionatida Fransiya terma jamoasi safida ishtirok etish imkoniyatlarini baholadi.
“100% ishonch hosil qila olmayman. Men ko‘rsatishim kerak bo‘lgan narsani ko‘rsatdim. Men u yerga borish uchun qo‘limdan kelganini qilaman. Hozir bor etiborimni "Milan"ga qaratganman", - deya Jiru so‘zlarini keltirmoqda L'Equipe.
36 yoshli fransiyalik futbolchi 2011 yilning noyabrida terma jamoadagi debyutini o‘tkazgan edi. Forvard terma jamoa safida 114 ta o‘yin o‘tkazib, 49 ta gol urgan.
Qatardagi jahon chempionati 2022 yilning 20 noyabridan 18 dekabriga qadar bo‘lib o‘tadi. Fransiya D guruhida Daniya, Avstraliya va Tunis bilan o‘ynaydi.
