"Зальцбург" ҳужумчиси Ноа Окафор Чемпионлар лигаси 3-тури доирасида Загребнинг "Динамо"сига (1:0) қарши ўйинда жамоасига ғалаба келтирди.
Opta хабарига кўра, 22 ёшли футболчи турнир гуруҳ босқичининг дастлабки уч турида кетма-кет гол урган биринчи швейцариялик футболчи бўлди. Бунгача у "Милан" (1:1) ва "Челси" (1:1) билан ўйинларда ўз ҳисобига гол ёздириб қўйган.
Чемпионлар лигаси гуруҳ босқичининг дастлабки учта ўйинида гол уришга муваффақ бўлган аввалги "Зальцбург" футболчиси ҳозирда "Манчестер Сити"да тўп тепаётган ҳужумчи Эрлинг Холанд эди.
“Зальцбург” 3 турдан кейин 5 очко билан “E” гуруҳида пешқадамлик қилмоқда. Кейинги турда Австрия терма жамоаси 11 октябр куни Загребнинг “Динамо” жамоасига қарши майдонга тушади.
