"Ювентус" ҳужумчиси Анхель Ди Мария Чемпионлар лигаси гуруҳ босқичи 3-тури доирасида "Маккаби"га қарши ўйинда (3:1) учта голли узатмани амалга оширди.
Эндиликда 34 ёшли аргентиналик футболчи фаолияти давомида еврокубокларнинг асосий турнирида 38 та голли узатмани амалга оширди. Opta хабарига кўра, бу кўрсаткич бўйича у "ПСЖ"да тўп тепаётган ҳамюрти Лионель Мессини қувиб ўтган. Лео ҳисобида 37 та голли узатма бор.
Фақатгина "Манчестер Юнайтед" ҳужумчиси Криштиану Роналду Ди Мариядан кўпроқ голли узатмани амалга оширган. Португалиялик ҳисобида 42 та ассист мавжуд.
