Лиссабоннинг “Бенфика” клуби бош мураббийи Рожер Шмидт 2022/2023 йилги мавсум Чемпионлар лигаси гуруҳ босқичи 3-турида “ПСЖ” билан қайд этилган дуранг (1:1) ҳақида гапирди.
“Кучли рақибга қарши яхши футбол кўрсатдик. Ўйинимиздан мамнунман. Бу ажойиб Чемпионлар лигаси ўйини бўлди, мухлисларимиз жамоани ажойиб қўллаб-қувватлашди. Мен дурангни жуда адолатли натижа деб биламан”, - деди Eleven Sports билан суҳбатда.
"ПСЖ" сафидаги сўнгги учрашувда Лионель Месси гол урди. Парижликлар ярим ҳимоячиси Данило автогол муаллифига айланди. Кейинги турда жамоалар жавоб ўйинини Парижда ўтказади.
