Чемпионлар лигаси доирасида Дортмунднинг “Боруссия”сидан (1:4) мағлуб бўлган “Севилья” бош мураббийлигидан бўшатилган испаниялик мутахассис Хулен Лопетеги андалусияликлар билан хайрлашди.
“Менда ҳар хил туйғулар бор. Клуб, шаҳар ва мухлисларга раҳмат айтмоқчиман. "Севилья" фойдаси учун меҳнат қилаётган барчага раҳмат. Бизда жуда кўп яхши онлар бўлди. Мен ўзим яхши кўрган жамоани тарк этганимдан қайғудаман", - дея мураббийнинг сўзларини келтиради УEФА матбуот хизмати.
Лопетеги 2019 йилдан бери “Севилья” бош мураббийи ҳисобланар эди. Унинг қўл остида жамоа 2019/2020 йилги мавсумда Европа лигасида ғолиб чиқди.
