Пьер-Эмерик Обамеянг Чемпионлар лигасида "Челси"нинг "Милан" устидан қозонилган ғалабасини (3:0) юқори баҳолади.

“Бу осон ўйин бўлмади. "Милан" биринчи бўлимда яхши ўйнади. Биз шиддатни оширишда давом этиб, устунлик қила бошладик. Бу бизга ишонч бағишлади.

Бу ерда ўзимни яхши ҳис қиляпман. Айтганимдек, жамоадошларим ва клуб ходимлари мени жуда яхши кутиб олишди.

Ўйлайманки, биринчи гол жуда муҳим бўлди, бу бизга куч ва ўйинга ишонч бағишлади. “Милан”да ҳам ажойиб ҳужумчилар борлигини ҳисобга олсак, биз қандай ўйнашни билардик. Ўйлайманки, ҳимоямиз бугун ажойиб иш қилди.

Ўйинларда ғалаба қозониш осонроқ, ҳозир кайфият жуда яхши. Биз яхши ишни давом эттиришга ҳаракат қиламиз”, - дейди “Челси” ҳужумчиси.