“Манчестер Сити” бош мураббийи Хосеп Гвардиола Чемпионлар лигаси гуруҳ босқичи доирасида “Копенгаген” жамоасига қарши ўйинда жамоасининг ҳужумдаги ўйинига юқори баҳо берди.
Гвардиоланинг айтишича, унинг жамоаси ҳар бир тўп учун курашган ва муваффақиятли "Манчестер дербиси" туфайли ўз имкониятларига ишонган. Испаниялик мураббий "шаҳарликлар" жуда зўр кўринишга эга эканлигини таъкидлади.
“Жамоамнинг ҳужумдаги ўйини менда катта таассурот қолдирди. Бу ажойиб бўлди”, - дея қўшимча қилди Гвардиола.
Эслатиб ўтамиз, Манчестер клуби "Копенгаген"ни 5:0 ҳисобида мағлуб этди ва Чемпионлар лигасида учинчи ғалабасини қўлга киритди.
