"Реал" ярим ҳимоячиси Тони Кроос Чемпионлар лигаси гуруҳ босқичида "Шахтёр" устидан қозонилган ғалаба (2:1) ҳақида фикр билдирди.

"Баъзида шундай бўладики, тўп шунчаки дарвозага киришни хоҳламайди. "Реал" "Шахтёр" дарвозасига 7 та гол уриши мумкин эди. 7:1 ҳисобида ғалаба қозонсак, ҳеч ким ажабланмасди. Бироқ, ҳисобимизда уч очко бор ва бу муносиб ғалабага эришдик.

Биз иккитадан кўпроқ гол уришимиз керак эди, албатта. Бунга ишониш қийин, лекин такрор айтаман, баъзида бундай кунлар бўлиб туради. Умид қиламанки, кейинги ўйинларда тўп рақиблар дарвозасига киришга тайёрроқ бўлади" - деди Кроос.