"Real" yarim himoyachisi Toni Kroos Chempionlar ligasi guruh bosqichida "Shaxtyor" ustidan qozonilgan g‘alaba (2:1) haqida fikr bildirdi.
"Ba’zida shunday bo‘ladiki, to‘p shunchaki darvozaga kirishni xohlamaydi. "Real" "Shaxtyor" darvozasiga 7 ta gol urishi mumkin edi. 7:1 hisobida g‘alaba qozonsak, hech kim ajablanmasdi. Biroq, hisobimizda uch ochko bor va bu munosib g‘alabaga erishdik.
Biz ikkitadan ko‘proq gol urishimiz kerak edi, albatta. Bunga ishonish qiyin, lekin takror aytaman, ba’zida bunday kunlar bo‘lib turadi. Umid qilamanki, keyingi o‘yinlarda to‘p raqiblar darvozasiga kirishga tayyorroq bo‘ladi" - dedi Kroos.
