"Челси" бош мураббийи Грэм Поттернинг фикрича, ўнг қанот ҳимоячиси Рис Жеймс йиллар ўтган сари яхшиланиб бораверади.

Эслатиб ўтамиз, англиялик футболчи кеча Чемпионлар лигаси гуруҳ босқичи 3-тури доирасидаги "Милан"га қарши ўйинда гол урди ва голли узатмани амалга оширганди.

“Рис – фантастик футболчи. Жеймс ёш бўлгани учун у ривожланишда давом этмоқда. Йиллар ўтиши билан у янада яхшиланади. Менинг вазифам унга ўз салоҳиятини рўёбга чиқаришга ёрдам беришдир", - деди Поттер ўйиндан кейин ўтказилган матбуот анжуманида.

Эслатиб ўтамиз, Рис Жеймс янги мавсумда Чемпионлар лигасида битта гол уриб, иккита голли узатмани амалга оширган эди. Шунингдек, футболчи АПЛда ҳам гол уриб, голли узатма берди.