"Шахтёр" дарвозабони Анатолий Трубин бу мавсум Чемпионлар лигасида сейвлар сони бўйича пешқадамлик қилмоқда.
Украиналик кипер дарвозага йўлланган 24 та аниқ зарбадан 20 тасини қайтарган ва 4 та гол ўтказиб юборган. "Аякс" дарвозабони Ремко Пасвер 16 та сейв билан иккинчи ўринда. Кучли бешликка, шунингдек, “Рейнжерс”дан Аллан Макгрегор (15), “Интер”дан Андре Онана (14) ва “Динамо” Загреб вакили Доминик Ливакович (14) ҳам кирган.
Жорий мавсумда 21 ёшли Трубин “Шахтёр” сафида барча мусобақаларда 8 та ўйинда майдонга тушди ва 6 та гол ўтказиб юборди. Унинг клуб билан шартномаси 2024 йилнинг ёзига қадар мўлжалланган.