"Реал" ҳимоячиси Давид Алаба "олтин тўп"ни ким олишга лойиқлиги ҳақида ўз фикри билан ўртоқлашди.
"Бензема. Менда бунга ҳеч қандай шубҳа ҳам йўқ. Унинг ўтган мавсумда қилган иши ақл бовар қилмайди. Мен буни бошдан кечириш, унинг бир қисми бўлиш ва ҳар куни қандай ишлашини кўриш имконига эга бўлганимдан жуда миннатдорман", - дея Алаба сўзларини келтиради Real Total.
Аввалроқ, 34 ёшли Бензема футболнинг энг нуфузли шахсий соврини – “олтин тўп”ни қўлга киритса, Мадрид клуби билан шартномасини автоматик равишда бир мавсумга узайтириш имконияти борлиги маълум қилинганди. Бенземанинг "Реал" билан амалдаги шартномаси 2023 йилнинг 30 июнига қадар тузилган.
