Давид Алаба Австрияда йилнинг энг яхши спортчиси деб топилди.
"Реал Мадрид"нинг 30 ёшли ҳимоячиси австриялик пойгачи ва "Формула-1" бўйича уч карра жаҳон чемпиони Ники Лауда номи билан аталган "Ники" мукофотига сазовор бўлди.
Алаба ўз фаолиятида учинчи марта (2013 ва 2014 йилларда ҳам) Австрияда йилнинг энг яхши спортчиси бўлди. У 8 марта Австриянинг энг яхши футболчиси деб топилган.
“Бундай мукофотни олганимдан жуда фахрланаман. Юртимизда жуда кўп буюк спортчилар борки, улар билан барчамиз фахрланамиз. Бу ақл бовар қилмайдиган шараф”, - деди Девид Sporthilfe нашрига берган интервьюсида.
Овоз беришда Алаба Пекин–2022 Олимпиадаси чемпионлари – чанғичилар Маттиас Майер ва Йоханнес Штрольцни ортда қолдирди.
