"Барселона"нинг собиқ ҳужумчиси Луис Суарес ушбу жамоадан кетганидан кейин ҳам жамоани қўллаб-қувватлашда давом этишини айтди.
Уругвайлик футболчи 2014 йилдан 2020 йилгача "кўк-анорранглилар" шарафини ҳимоя қилган. Шу йилнинг ёзида 35 ёшли футболчи ўзининг ватани "Насьонал"га қайтди.
"Мен "Барселона"нинг деярли барча ўйинларини кузатишда давом этаман - мен бу клуб тарафдори бўлиб қоламан.
Ҳа, "Барселона"дан кетишим жуда оғриқли бўлди, лекин биламан, бу клуб менга деярли ҳамма нарсани берди.
Мен бу ердаги ўйинимдан жуда фахрланаман, мен ҳар доим ўзимни ўйинга тўлиқ бағишлаганман", - дейди Суарес.
