"Ливерпуль" "Вест Хэм" ярим ҳимоячиси Деклан Райсга жиддий қизиқиш билдирмоқда, дея хабар беради Football Insider.
Манбага кўра, мерсисайдликлар 23 ёшли футболчини диққат билан кузатиб бормоқда.
Қайд этилишича, бош мураббий Юрген Клопп ярим ҳимоячининг ўйинига қойил қолади.
Райс 2013 йилда "Челси"дан "Вест Хэм"га ўтган эди. Амалдаги шартнома 2024 йилнинг ёзига қадар мўлжалланган.
2022/23 йилги мавсумда Райс "болғачилар" сафида барча мусобақаларда 11 та ўйин ўтказиб, иккита голли узатмани амалга оширди.