«Ювентус» жамоасининг жорий мавсумдаги қониқарсиз натижаларига қарамай, жамоа бош мураббий Массимилиано Аллегри билан хайрлашмоқчи эмаслиги сабаби маълум бўлди.
La Gazzetta dello Sport нашрининг ёзишича, италиялик мутахассиснинг ишдан бўшатилиши «Ювентус»га жуда қимматга тушади.
Мураббий ўз ишини сақлаб қолишининг ягона сабаби шу. Аммо, шунингдек, агар «кекса синёра» жорий мавсум якунида Чемпионлар лигасида иштирок эта олмаса, Турин клуби раҳбарияти Аллегрини истеъфога чиқаришга қарор қилади.
Италия чемпионатининг тўққиз туридан сўнг “Ювентус” 13 очко билан турнир жадвалида саккизинчи ўринда бормоқда. Улар пешқадам “Наполи”дан 10 очко ортда қолмоқда.
