"Милан" ҳимоячиси Фикайо Томори Чемпионлар лигаси гуруҳ босқичида "Челси"га қарши уй учрашуви олдидан фикрларини билдирди.
Ўтган ҳафтада "россонерилар" Лондонда 0:3 ҳисобида мағлуб бўлганди, энди эса реванш олишга ҳаракат қилиб кўради.
"Челси" билан ўйиндан кейин жаҳлим чиқди. Чунки, унчалик яхши ўйнамадик. А Серияда "Ювентус"га қарши ўйинда муносабат билдириш муҳим эди.
Футбол ҳар доим сизга иккинчи имкониятни беради, бу сафар биз ундан яхшироқ фойдаланишимиз керак.
Бизга қўшимча мотивация керак эмас - биз қатъиймиз. Биз ҳар бир ўйинда ғалаба қозонишни истаймиз”, дейди Томори.
