"Атлетико Мадрид" матбуот хизмати клуб "Барселона"дан ҳужумчи Антуан Гризманнинг ҳуқуқларини сотиб олгани ҳақида хабар берди. Франциялик футболчининг Мадрид клуби билан тузган янги шартномаси 2026 йилнинг ёзига қадар мўлжалланган.
2021 йилнинг ёзидан буён футболчи "Атлетико Мадрид"да ижара асосида ҳаракат қилаётган эди.
Битимнинг қиймати ҳали эълон қилинмаган.
Олдинроқ 31 ёшли футболчининг трансфер суммаси 20 миллиондан 25 миллион еврогача бўлиши хабар қилинганди.
Гризманн ушбу мавсумда барча турнирларда "Атлетико Мадрид"нинг 11 та ўйинида 3 та гол ва 2 та голли узатмага муаллифлик қилди.