Даниэле де Росси яқин орада Италиянинг "СПАЛ" клуби бош мураббийи бўлиши кутилмоқда.
Нуфузли журналист ва инсайдер Жанлука ди Марционинг сўзларига кўра, томонлар охирги музокаралар устида ишламоқда. Де Росси "СПАЛ" билан 2023/2024 йилги мавсум охиригача шартнома имзолайди.
Даниэле де Росси учун бу тўлақонли мураббийлик фаолиятининг бошланиши бўлади. Бунгача у Италия терма жамоаси қароргоҳида ишлаган.
"СПАЛ" Б Серияда ўйнайди. Саккиз турдан кейин жамоа турнир жадвалида бор-йўғи 14-ўринда бормоқда. Клуб де Росси жамоага янги нафас олиб киришига умид қилади.