"Арсенал" ҳужумчиси Габриэль Мартинелли клуб билан шартномасини узайтириш борасида музокаралар олиб бораётганини айтди.
“Албатта, қолишни хоҳлайман. Ҳозир биз музокаралар олиб бормоқдамиз. Келинг, воқеалар қандай бўлишини кўрамиз. Лекин, албатта, “Арсенал”да қолишни истайман”, деди Мартинелли Sky Sports нашрига.
21 ёшли бразилиялик инглиз клубига 2019 йилда "Итуано"дан келиб қўшилган эди. Унинг амалдаги шартномаси 2024 йилгача мўлжалланган. Transfermarkt портали футболчининг нархини 40 миллион еврога баҳоламоқда.
Мартинелли жорий мавсумда "Арсенал" сафида 11 та ўйинда майдонга тушиб, 4 та гол урди ва 2 та голли узатмани амалга оширди. Ҳужумчи 2011 йилнинг октябридан бери "канонирлар"нинг Премьер-лигадаги энг тез уйиндаги голини киритди.
